Iaasa sa iisa?

Para di lang iisa ang boses sa senado.

Dahil baka sakaling magbago ang isip mo
at mapagtanto mong mahal mo pala ang bansa
ng higit pa sa mahal mo ang pangulo.

Hindi masamang ikwestyon ang mga desisyon ng pangulo. 
Hindi masamang alamin at masusing suriin kung ano ang totoo.

Kung walang tinatago ang pangulo,
walang dahilan para matakot.
Walang takot na ipakita ang likod ng katotohanan.
Walang takot na ipa-imbestiga ang lahat ng kayamanan.

Kung walang tinatago, walang takot sa mga kritiko.
Dahil kung sa puso mo alam mo na ang ginagawa ay tama,
Hindi ba walang dapat ipangamba?

Sa pagluklok ng buong Otso Diiretso,
isama mo rin sina Colmenares at Ka Leody sa senado,
magkakaroon ng boses ang lahat.

Para hindi lang iisa ang boses,
na oo lang ng oo sa gusto ng iisa.
Dahil nangyayari na di ba?
Hindi ba't dahil sa walang umaalma,
unti-unti na nating nakikita at nadarama
na lahat tayo ay boluntaryo ng ipapasakop
sa singkit na banyaga?

Kaya kung lahat ng maluklok ay o-oo lang sa gusto ng iisa?
Tatanggapin na lang ba?
IAASA SA IISA?
Iaasa sa iisa ang kinabukasan?
Ang kinabukasan ng sambayanan?
Ang kinabukasan ng anak mong walang kamuwang-muwang?

Walang kamuwang-muwang na ang bukas niya ay binenta na.
Na ibebenta mo rin mo ba?
Tutulong ka bang ibenta ng iisa ang bukas nating lahat
dahil lahat, pati ikaw, nawalan ng boses para umalma.

Hindi ba't kawawa naman ang anak mo?
Dahil mauulit sa kanya ang nagyari sa tulad mo.
Tulad mong ang kinabukasan ay binaon din sa utang ng iisa.

Hindi ba't hanggang ngayon
nagbabayad ka pa rin sa utang
na hindi mo naman sinang-ayunan?

Hindi ka pa nga pinapanganak,
ang pangalan mo ay boluntaryo ng tinatak
at ipinangako ng mga makapangyarihang Marcos
na magbayad sa perang kanilang kinamkam.
Pinagsasaaan.
Biyun-biyong inutang na hanggang ngayon,
at sa mga susuod pang maraming mga taon,
patuloy mong binabayaran.
Damay ang anak mong walang kamuwang-muwang.

At ngayong eleksyon,
mayroon kang pagkakataon.
Dadagdagan mo ba o babawasan
ang pagkakautang ng iyong anak -
ng anak mong pinaghirapan
at paghihirapan mo pa lang ipanganak.

Hahayaan mo ba siyang lumaking tulad mo?
Na ang buhay ay napagdesisyunan na ng iba.
Napagdesisyunan na ng iisa.
Iisang boses dahil ang boses ng iba,
pinigilan o tinakot umalma.

Kaya kung sa lahat ng ito,
mapagtanto mong mahal mo pa rin ng higit ang pangulo
kaysa sa bansang kumupkop sa'yo,
sige.

Sige Iboto mo ang hugpo.
Iboto mo silang lahat na may mga kaso.
Iboto mo yung bobo.
Iboto mo yung magsasabi lang ng po at opo,
dahil walang kakayahang manindigan kung ano ang totoo.
Wala namang pipigil sa'yo.

Pero sana lang maisip mo to.
Ganun mo ba talaga kamahal ang pangulo
na ang kinabukasan ng anak mo
kaya mong ipagkanulo?